सुभाष कुमार राम
रौतहट भ्वाईस, २७ जेष्ठ । ज्येष्ठ शुक्ल एकादशी अर्थात् निर्जला एकादशी। सनातन धर्मावलम्बीले शुक्रबार तुलसीको दल (बीउ) राख्दैछन् । निर्जला एकादशीमा जलरहित (पानी समेत नखाई) उपवास बस्ने विधान वैष्णव ग्रन्थहरूमा उल्लेख छ। ती ग्रन्थमा यो दिन गरिने स्नान, उपवास र दानको महिमा उल्लेख छ ।

निर्जला एकादशीका दिन राखेको दलको बिरुवा एक महिना पछि अर्थात् आषाढ शुक्ल एकादशीका दिन आँगनमा रहेको मठमा रोपिन्छ। यसरी रोपिएको तुलसीलाई चार महिना सम्म पूजा गर्ने परम्परा छ। यो अवधिलाई चतुर्मास भनिन्छ। यो मात्र नभई वर्षभर पर्ने २४ वटै एकादशीलाई विशेषगरी वैष्णव सम्प्रदायले विशेष पर्वका रूपमा मनाउँछ।